[et_pb_section admin_label=”Section” fullwidth=”on” specialty=”off” background_image=”/wp-content/uploads/2017/05/career-header.jpg” transparent_background=”off” allow_player_pause=”off” inner_shadow=”off” parallax=”off” parallax_method=”off” make_fullwidth=”off” use_custom_width=”off” width_unit=”on” make_equal=”off” use_custom_gutter=”off”][et_pb_fullwidth_header admin_label=”Fullwidth Header” background_layout=”light” text_orientation=”center” header_fullscreen=”off” header_scroll_down=”off” background_color=”rgba(255,255,255,0)” parallax=”off” parallax_method=”off” logo_image_url=”/wp-content/uploads/2017/05/RAFI-logo_white.png” content_orientation=”center” image_orientation=”center” custom_button_one=”off” button_one_letter_spacing=”0″ button_one_use_icon=”default” button_one_icon_placement=”right” button_one_on_hover=”on” button_one_letter_spacing_hover=”0″ custom_button_two=”off” button_two_letter_spacing=”0″ button_two_use_icon=”default” button_two_icon_placement=”right” button_two_on_hover=”on” button_two_letter_spacing_hover=”0″ background_overlay_color=”rgba(0,0,0,0.51)”] [/et_pb_fullwidth_header][et_pb_fullwidth_menu admin_label=”Fullwidth Menu” menu_id=”12″ background_color=”#83abc1″ background_layout=”dark” text_orientation=”left” submenu_direction=”downwards” fullwidth_menu=”off” dropdown_menu_animation=”flip” dropdown_menu_line_color=”#fcb912″ mobile_menu_bg_color=”#83abc1″ mobile_menu_text_color=”#ffffff”] [/et_pb_fullwidth_menu][/et_pb_section][et_pb_section admin_label=”section” transparent_background=”off” allow_player_pause=”off” inner_shadow=”off” parallax=”off” parallax_method=”off” make_fullwidth=”off” use_custom_width=”off” width_unit=”on” make_equal=”off” use_custom_gutter=”off”][et_pb_row admin_label=”row” make_fullwidth=”off” use_custom_width=”on” width_unit=”on” custom_width_px=”800px” use_custom_gutter=”off” allow_player_pause=”off” parallax=”off” parallax_method=”off” make_equal=”off” parallax_1=”off” parallax_method_1=”off”][et_pb_column type=”4_4″][et_pb_image admin_label=”Image” src=”/wp-content/uploads/2017/06/reputation-management-head.jpg” show_in_lightbox=”off” url_new_window=”off” use_overlay=”off” animation=”off” sticky=”off” align=”center” force_fullwidth=”off” always_center_on_mobile=”on” use_border_color=”off” border_color=”#ffffff” border_style=”solid”] [/et_pb_image][et_pb_divider admin_label=”Divider” color=”#7c7c7c” show_divider=”on” divider_style=”solid” divider_position=”center” hide_on_mobile=”on” height=”2″] [/et_pb_divider][et_pb_text admin_label=”Text” background_layout=”light” text_orientation=”left” use_border_color=”off” border_color=”#ffffff” border_style=”solid”]

How to submit job application to Ramon Aboitiz Foundation Inc.

Follow below brief steps to submit your application:

  1. Click the button below to fill-up the application form.
  2. Prepare and send your application letter.
  3. Prepare and send your CV or Resume.
  4. Email all required documents to RAFI Human Resource official email address, rafi_hrd@rafi.org.ph

[/et_pb_text][et_pb_button admin_label=”Button” global_parent=”3985″ url_new_window=”on” button_text=”APPLY NOW” button_alignment=”center” background_layout=”light” custom_button=”on” button_text_size=”16″ button_text_color=”#ffffff” button_bg_color=”#789bb7″ button_border_width=”10″ button_border_color=”#789bb7″ button_border_radius=”100″ button_letter_spacing=”3″ button_font=”Source Sans Pro|on|||” button_use_icon=”default” button_icon_color=”#ffffff” button_icon_placement=”right” button_on_hover=”on” button_text_color_hover=”#ffffff” button_bg_color_hover=”#789bb7″ button_border_color_hover=”#789bb7″ button_border_radius_hover=”100″ button_letter_spacing_hover=”3″ custom_css_main_element=”width:220px;” button_url=”https://docs.google.com/forms/d/e/1FAIpQLSeXCHBHnH6rxK7_rVcNrO67E9-TOYg0WmO7Tp59b6mVZbPzxA/viewform?embedded=true”] [/et_pb_button][/et_pb_column][/et_pb_row][/et_pb_section]

Kadaghanan sa mga hitabo sa pagkapaso malikayan, ang buhaton lang gyud mao ang pag-aninaw sa imong panimalay kon layo pa mahitabo ang mapaso. Pananglitan, ang butanganan ba sa sug-angan sa balay dili kuyaw? Layo ba ang nahimutangan sa sug-ang gikan sa mga bata? Gipahimangnoan ba ang mga anak sa pagpalayo sa kalayo? Gipalayo ba kanila ang lamparilya, kandila ug posporo aron dili kini makab-ot?  Giliso ba nila ang mga kuptanan sa kaha diha sa sug-ang aron dili makab-ot sa mga bata?

Adunay pipila ka matang sa paso, nga nag-agad sa gidak-on apektadong bahin sa lawas, sa unsa ka lawom nidulot ang pagkapaso, ug asa nga bahin sa lawas.  Ang first degree nga paso mao kadtong paso nga anaa lang sa ibabaw sa panit. Wala kini magporma og tubig-tubig. Aron paghupay sa sakit ug paglikay sa dugang kadaot, ibutang dayon ang napaso nga bahin sa bugnaw nga tubig. Walay laing tambal nga gikinahanglan. Maayo ra kini dayon. Tomar og aspirin alang sa sakit.

Ang lain mao ang second degree, nga mao kadtong paso nga nagtubig-tubig ug naglakip sa tibuok kabagaon sa panit. Ayaw og pug-a ang tubig sa paso. Apan kon mapusa man gani kini, ihinay paghugas sa sabon ug nabugnaw na nga pinabukal nga tubig. Pagpabukal og Vaseline o lana sa lubi. Ipahid kini sa limpyo nga bendahe, dayon itapion kini sa paso. Kon walay Vaseline o lana sa lubi, biyai ang paso nga walay tabon. Ayaw gayud hidhiri og grasa o mantika.

Kinahanglang kanunay nga limpyo kaayo ang paso. Panalipdi kini gikan sa hugaw, abog ug langaw kutob sa mahimo. Kon adunay makita nga timailhan sa impeksyon – nana, baho, hilanat– pakigkita dayon sa doktor.

Ang third degree nga paso mao kadtong paso nga lawom diin makita na ang unod. Kanunay kining grabe, sama sa bisan unsang paso nga nisangkad sa dakong bahin sa lawas. Pusta ang bahin nga napaso sa usa ka limpyong panapton o tualya, ug dad-a dayon ang napaso sa sentro.  Ayaw gayod padapati ang paso og dili limpyong panapton, grasa, tambok, panit sa mananap, kape, tanom, ug bisan untang butang nga hugaw.

Ang dakong paso mas kuyaw kay sa gamay nga paso. Ang dakong paso sakit kaayo, makapakawala sa panimuot ug daling mataptan og impeksyon.

Ang paso makapawala og tubig nga adunay protina gikan sa lawas. Busa ang usa ka bata nga adunay dakong paso mawad-an og daghang protina ug maughan. Maong ang bata mas dlaing magdaot ug mahimong mamatay tungod sa impeksyon sa paso.

Kon ang paso ingon kadako sa palad sa kamot sa usa ka gamay nga bata, kini usa ka porsiyento (1%) lang sa iyang lawas. Kon ang paso ingon kadako og lima ka palad sa kamot, kini lima ka porsiyento (5%) nga paso sa iyang lawas.

Kanus-a dad-a ang batang napaso sa ospital

Hunahunaa dayon kon dad-on ba o dili ang usa ka bata nga napaso ngadto sa tambalanan. Ayaw paghulat nga siya mograbe. Ang paso nga anaa sa ibabaw sa panit (first degree nga paso) sa bisan unsang gidak-on maayo ra sa iyang kaugalingon. Ang bata nga adunay second degree nga paso nga ubos sa lima ka porsiyento sa iyang lawas ang gidak-on wala ra magkinahanglan og dextrose. Kon ang napaso lima hangtud 15 porsiyento sa iyang lawas ug igo-igo ang kabag-on niini (second degree nga paso), nagkinahanglan siya og dextrose, maong kon mahimo, dad-a siya sa tambalanan.

Dad-a dayon sa ospital ang napaso kon bisan duha ra ka porsiyento (2%) sa lawas ang napaso apan third degree ang paso; labaw sa 15 porsyento sa lawas ang napaso og second degree o ubos pa kon ang pagtambal sa balay dili maayo o gamay ra ang gitambal; grabe ang pagkapaso sa kamot ug nawong, o kaha batan-on pa siya kaayo; ug kon nakahanggap siya og init nga aso. Sa labing madaling panahon, kon wala pa molabay ang 30 minutos gikan sa pagkapaso sa usa ka bata, ibutang ang dapit nga  napaso sa bugnaw nga tubig aron ang paso dili makaabot sa ilawom. Ug molapaw na gani sa 30 minutos, ang bugnaw nga tubig dili na makatabang. Mahimo sab nga digoon ang grabeng paso sa tubig nga adunay gamay nga asin. Kini makatabang sa pagkalma sa sakit. Butangi’g usa ka kutsaritang asin ang matag usa ka litro nga nabugnaw na nga pinabukalang tubig. Paimna ang napaso og daghang tubig o sabaw. Kinahanglang pakan-on ang tawong may grabeng paso niadtong mga pagkaon nga tugob sa protina. Walay matang sa pagkaon nga kinahanglan niyang likayan.

Kon dili madali sa ospital ang tawong grabe ang paso, tambali siya sa balay. Kon mahimo, pakatuloga siya sulod sa moskitero aron dili makatugdon ang langaw sa iyang paso. Tambali ang bisan unsang impeksyon og antibiotics nga gireseta sa doktor. Pasagding walay tabon ang paso. Likayi ang tetanus pinaagi sa paghatag og tetanus antitoxin ug bakuna. Pangayo’g tambag sa doktor.

Ang kanser makapatay. Apan ang sayong pagkamatikod niini mopasaka sa kahigayonan nga malupig kini.

Karong Hunyo, nga gitamod isip “Buwan sa Kaamgohan Kabahin sa Kanser sa Prostate”, nga motakboy sa mga lalaki, hisgotan ta ang maong kanser ug ang laing tulo ka matang sa kanser nga sagad maoy motakboy sa mga Sugboanon.

Kanser sa Prostate. Magkaedaran ang lalaki magkasaka ang risgo nga mataptan sa kanser sa prostate, ilabi na kon aduna siyay mga kaliwat nga naigo sab sa maong sakit. Ang prostate kabahin sa lawas sa lalaki nga makita dapit sa iyang bat-ang ug ilawom sa iyang pantog.

Datos gikan sa Ramon Aboitiz Foundation Inc.-Eduardo J. Aboitiz Cancer Center (RAFI-EJACC) Metro Cebu Population-based Cancer Registry nagpakita nga sa mga tuig 2008 hangtod 2102, may 332 ka mga kaso sa kanser sa prostate sa Sugbo diin 240 kanila wala maluwas, o 72.29 porsiyento o sobra sa katunga sa tanang mga kaso. Ang nakapasubo kay kining maong sakit dali ra unta matambalan.

Ang mga ilhanan sa kanser sa prostate naglangkob sa suliran sa pagpangihi. Apan sagad ang maong ilhanan dili makita bisan kon ang kanser sa prostate nakalamay na. Aron mahibaw-an ang kanser sa prostate, mahimong mopailawom ang lalaki sa hain niini: digital rectal examination, prostate specific antigen, ultrasound, ug biopsy.

Ang paagi pagtambal sa kanser sa prostate naglakip sa pagpaopera, cryosurgery, hormone therapy, radiotherapy, ug chemotherapy.

Kanser sa dughan. Rekord sa EJACC nagpakita nga mga babaye nag-edad 50 hangtud 54 maoy sagad mataptan sa kanser sa dughan. Sa mga tuig 2003 hangtud 2007, adunay 657 ang namatay sa 1,349 nga nahibaw-an nga may kanser sa dughan.

Ang kanunay nga paghiling sa dughan dako og ikatabang nga sayong mahibaw-an ang kanser. Kini pinaagi sa kaugalingong pagsuhid, tinuig nga pagpakita sa doktor, ug tinuig nga mammography nga mas maayong sugdan kon mag-edad na og 20 anyos. Kini aron masuhito na daan ang mga babaye sa ilang dughan aron dali silang makabantay kon adunay mga bogon-bogon ilabi na dapit o duol sa may ilok. Kon and edad 20 anyos kapin, mahimong kaugalingong pagsuhid lang; edad 40 anyos, kinahanglan magpahiling sa doktor; ug edad labaw sa 40 anyos, mas maayong magpa-mammogram. Ang mammogram usa ka matang sa x-ray nga modiparal sa mga bogon-bogon nga gagmay pa kaayo aron mahikapan o makita sa doktor.

Ang kanser sa dughan maoy nag-unang matang sa kanser nga hinungdan sa kamatayon sa mga babayeng Sugboanon.

Kanser sa atay. Sa tanang kanser nga motakboy sa mga Sugboanon, ang kanser sa atay maoy nag-unang hinungdan sa kamatayon sa mga lalaki ug ikaupat sa mga babaye, diin mosaka ang risgo nga mataptan sa maong sakit kon mag-edad na ang lalaki ug 30 anyos samtang ang babaye 40 anyos.

Datos sa RAFI-EJACC nagpakita nga sa tuig 1998 hangtud 2007, adunay 2,623 sa mokabat 3,174 ka mga kaso sa kanser sa atay ang namatay. Sagad sa mga nasakit tungod sa Hepatitis B, samtang 20 porsiyento ang hinungdan mao ang pagkapalahubog.

Ang kanser sa atay sagad sa Pilipinas tungod kay daghang mga Pilipino nag-antos sa pagkadaot sa atay. Ubos ang kahigayonan nga maluwas gikan sa kanser sa atay tungod kay ang mga senyales niini sagad mabantayan lamang kon grabe na ug dili na matambalan ang sakit. Sagad nga ilhanan mao ang sakit sa ibabaw nga bahin sa pus-on, burot o daw bug-at nga pamati sa ibabaw dapit sa pus-on, niburot nga tiyan, kakuwang sa gana sa kaon, daw kanunay busog, paghugo o padayong pag-ubos sa timbang, ug pagdalag sa panit ug sa mata.

Usa ka paagi nga malikayan ang kanser sa atay mao ang pagpabakuna batok sa Hepatitis B isip panagang. Laing mga paagi mao ang saktong pagtipig sa mga pagkaon, hilwas nga pagpakabuhi, ug paglikay sa sobrang pag-inom sa ilimnong makahubog.

 

Kanser sa baga.  Ang pagpa-nigarilyo maoy nag-unang hinungdan sa kanser sa baga. Ang paghanggap sa aso sa sigarilyo ug sa makadaot nga mga kemikal sama sa radon nga dili malikayan tungod sa matang sa trabaho mopasaka sab sa kahigayonan nga magkakanser sa baga.

Sumala sa panuki-duki, ang sigarilyo hinungdan sa 71 porsiyento sa kamatayon tungod sa kanser sa baga tibuok kalibotan, ilabi na sa mga lalaki.

Dinhi sa Sugbo, datos nga natigom gikan tuig 2003 hangtud 2007 nagpakita nga 830 ka mga lalaki ug 457 ka mga babaye ang nasakit og kanser sa baga, diin 620 sa mga lalaki ug 336 sa mga babaye ang namatay.

Maong sa atong pagsaulog sa Hunyo isip “Buwan sa Kaamgohan Kabahin sa Kanser sa Prostate”, atong hinumdoman nga mahinungdanon ang sayong pagkahibawo nga anaa kay kanser alang sa malamposong pagtambal.

Ang tawo wala nabuhi sama sa gapnod nga gianod-anod sumala sa sulog, nga mapadpad padung sa hain dad-on sa bawod. Ang pagpakabuhi adunay katuyoan, kay kini maoy naghatag og kahulogan nganong padayon kitang nagbugtaw taliwala sa mga hapos ug pagsuway nga naagian.

Apan daghan ang moingon nga wala sila makakita sa tumong sa ilang pagpakabuhi. Anaay moingon nga subay lang sila sa unsay ihatag kanila sa kapalaran. Subo kini kay kon wala ka makakita unsay tumong sa imong kinabuhi, unsa pa man unyay kahulogan nga ikahatag sa imong matag lihok?

Maong kitang tanan angay magtibangay nga ang matag usa makakita sa unsay tumong sa atong pagpakabuhi.

Kini butang nga gitagaan og pagtagad ni Mark Zuckerberg, ang nagmugna sa Facebook, sa iyang pagpamulong atol sa pagtapos sa mga gradwado sa Harvard University karong tuiga.

Pulong niya, ang hagit sa karon nga henerasyon mao ang pag-umol og kalibotan diin ang matag usa adunay tumong sa pagpakabuhi.

Kini nagpasabot nga ang matag usa mobati nga siya kabahin sa usa sa dakong katuyoan, nga siya gikinahanglan, ug nga siya adunay nindot nga katuyoan nga iyang lihokon o abton. Kay ang tumong mao may naghatag kanato og kalipay. Sama pananglit sa mga ginikanan nga bisan sa kalapoy sa lawas tungod sa trabaho mahupay ra kini ug makakita gihapon ka kanila nga mopahiyom inig-sud-ong sa ilang mga anak, kay sila naningkamot man alang sa ilang mga anak; o kaha sa usa ka retiradong magtutudlo nga bisan sa iyang pangidaron motangas gihapon og bukid aron magtudlo sa mga batang T’boli; o sa kanhi kaingero nga karon tigpanalipod na sa kinaiyahan; o sa usa ka doktor nga mas gipili nga moadto sa mga hilit ug kabus nga mga komunidad imbis magtrabaho sa pribadong tambalanan, kay aron makatabang sa mga uyamot nga dili makasarang magpahiling og doktor.

Ingon ni Zuckerberg, adunay tulo ka mga paagi aron mahitabo nga kitang tanan mabuhi nga may tumong: Mosalmot sa dagko ug makahuloganong mga proyekto kuyog sa uban; pagtan-aw sa usa’g usa nga patas ra aron ang kada usa gawasnon nga mokab-ot sa tumong; ug pagtukod og mga komunidad tibuok kalibotan.

Nipahimangno si Zuckerberg nga si kinsa kadtong naglihok alang sa usa ka dako kaayong panglantaw mahimong tawgon sa uban nga nalisoan sa pangisip bisan kon sa kaulahian iyang mapamatud-an nga sakto siya sa iyang gipangandoy. Kay si kinsa kadtong niako pagsugakod sa usa ka lisod nga suliran mahimong basolon nga nihimo sa ingon bisan kon kuwang ang nasabtan, kini bisan kon dili mahimong mahibaw-an ang tanan sa sinugdanan. Si kinsa sab kadtong maoy mangunay og una mahimong yagayagaan nga hinay molihok, kay lagi anaa man gyuy mga tawo nga gustong mobira nimo.

Nidugang si Zuckerberg nga makatabang sab kita aron ang uban aduna say tumong. Kini pinaagi sa pagtukod og mga komunidad diin anaa ang pagpakabana ug pag-amoma sa usa’g usa. Kay gikaingon man lagi nga ang kausaban magsugod sa gamay, sa mga tawo nga sama kanato. Ang mahinungdanan nga tabangan nato ang tagsa-tagsa. Kay ang usa ka ideya sagad motumaw nga dili pa gyud hingpit, nga kini mas mahimong tataw samtang ikaw naglihok alang sa iyang katumanan.

Kay sa atong panahon karon, ang paningkamot aron kita mas magkailhanay, nga aron atong maabot ang kinadak-ang kahigayonan sa kinabuhi, nag-agad sa atong katakos nga magtukod og mga komunidad ug makamugna og kalibotan diin ang tanan nagtinabangay ug may tumong.