Sugo sa Kaayo

Sugo sa Kaayo

Shares

 

SAGAD moingon kita nga talagsaon ang mga tawo nga mobuhat kapin sa ilang makaya alang sa uban ug moula sa ilang panahon ug kinabuhi alang niadtong mga nanginahanglan og tabang.

 

Apan unsay makatalagsaon sa usa ka tawo aron ilhon siyang mga sumbanan sa buhat sa kaayo?  Kining pangutanaha lisod tubagon. Siya ba kinahanglang usa ka pari, o kaha usa ka magtutudlo, o kaha usa ka tinahod nga kongresista?

 

Ilhon ta ang tulo ka mga tawo nga maoy finalists sa Ramon Aboitiz Foundation Inc. (RAFI) Triennial Awards, ang labing prestihiyosong pasidungog alang niadtong mga tawo ug mga grupo nga naglihok alang sa kaayohan sa uban sa Kabisay-an ug sa Mindanao.

 “The competence of the church is (2)

Anita Castillon.  Si Castillon, 66, nga mas naila sa tawag nga “Nanay Anita” sa mga tawo nga nagpuyo libot sa Linaw sa Sebu sa Habagatang Cotabato, usa ka magtutudlo nag nagserbisyo sa lumad nga mga T’Boli.  Sulod sa iyang pagtudlo sa 18 ka mga tuig sa mga batang T’Boli, iyang nakita unsa kalisud alang kanila nag makakab-ot og kabangkaagan pinaagi sa edukasyon.  Tungod niini, gibati siya og dakong gugma sa maong tribu ug tumang kaikag sa pagtabang nga maedukar sila.

 

Gitukod niya ang tulo ka mga tunghaan sa Linaw sa Sebu—duha ka eskuylahan sa kindergarten ug usa alang sa elementarya sa Barangay Takunel.  Gimugna sab niya ang usa ka sistema sa pagbayad sa pagtuon sa mga bata sa paagi nga mas sayon ug mas minos sa gasto alang sa mga ginikanang T’Boli. Nipahigayon sab siya og mga pagtudlo kabahin sa panginabuhian  sa mga T’Boli ug nakigtambayayong sa lainlaing mga grupo, lakip na sa mga sanga sa pangagamhanan,  alang sa paghatag og serbisyo sa dapit sa mga T’Boli, nga layo gikan sa lungsod.

“The competence of the church is (1) 

Kongresista Lemuel Lawrence Fortun.  Si Kongresista Fortun sa Siyudad sa Butuan usa ka manlalaban alang sa kabus.  Sa iyang pagkarepresente sa Kongreso sa Butuan ug sa lungsod sa Las Nieves, nilusad siya og tulo ka mga programa alang sa mga kabus, kinaiyahan, ug paugnat sa kusog alang sa mga kabatan-onan. 

 

Gani ang iyang “Lawig Programang Pangkatawhan” gisugdan niya dihang bise mayor pa siya sa Butuan, diin naghatag siya og serbisyong legal ilabi sa mga kabus nga wala nangarehistro tungod sa kawad-on, gilay-on sa balay siyudad, ug kawalay kaalam.  Isip manlalaban, libre siyang mohatag ug mopirma og mga sinumpaang papeles alang sa pagparehistro sa mokabat na sa 8,000 ka mga tawo ug kapin 30,000 na ang nakapahimulos sa tabang medical ug dental, feeding, ug uban pa.

 

Isip magbabalaod, gipangamahanan sab niya ang gitawag nga Comprehensive Civil Registration Act, nga nagtubag sa mga hinungdan nganong dili makaparehistro ang mga tawo. Usa sa nahimong tubag mao nga ang mga barangay mao nay morehistro sa mga tawo. Sa bise mayor pa sab siya iyang gipangulohan ang pagpanday sa lokal nga balaod alang sa pagpreserbar, pag-amoma, pagdumala sa Taguibo Watershed.

 

Kay mahiligon sa duwang football, nakita ni Fortun ang kamahinungdanon sa paugnat sa kusog isip paagi pagtudlo sa “kaligdong, katarong, determinasyon, ug pagtinabangay sa mga kabatan-onan sa Butuan ug Agusan Norte ilabi na sa mga kinagamyang suok sa maong mga dapit.

“The competence of the church is

Rev. Fr. Carmelo Diola. Si Fr. Melo usa ka pari nga kasamtangang nadestino sa Gethsemani Parish sa Casuntingan, Siyudad sa Mandaue dinhi sa Sugbo nga nihalad sa iyang kaugalingon ngadto sa iyang mga adbokasiya isip alagad sa Diyos ug lumolupyo niining atong nasud. Usa sa iyang paningkamot mao ang pagpapas sa kahugaw sa gobyerno pinaagi sa maayong pangagamhanan. Labot sa iyang mga lihok mao ang pagtudlo sa mga botante unsay saktong buhaton aron pili-on ang ligdong nga mga kandidato nga maoy modumala sa nasud.

 

Labot sab sa iyang paningkamot ang pag-atiman ug pag-alagad sa mga batang libod-suroy sa Sugbo. Usa sa labing dakong buhat ni Fr. Melo mao ang paghubad sa mga pulong sa Bibliya gikan sa orihinal niini nga pinulongang Hebreyo ug Griyego.

 

Ug bisan kon damgo niya ang daling kausaban sa katilingban, sayod si Fr. Melo nga lisod kaayo usbon dayon ang naandan, maong padayon gihapon siya sa iyang paningkamot.

 

Kay alang kaniya, mas maayo nga ang usa’g usa modagkot og kandila ug magmugna bisan gamay lang nga kahayag, imbis magsige’g panghimaraot sa kangitngit.

 

(Ibutyag sa RAFI Triennial Awards karong umaabot Agusto 2015 kinsa ang mananaug sa Outstanding Individual nga pasidungog.)

Shares

About The Author

The Ramon Aboitiz Foundation’s vision, in its 48 years of existence in development work in the Visayas and Mindanao, has consistently been “Touching People, Shaping the Future.” It has worked towards elevating lives through a comprehensive approach that champions best practices in community development.

Related posts

Leave a Reply

Contact Us Volunteer Donate Community eStore
Ramon Aboitiz Foundation, Inc.